D’AMSE feiert 20 Joer Jubiläum am Restaurant Steinmetz zu Bech

Am Kader vun hirem 20. Jubiläum huet d’Amicale Millermoaler Schull Eechternoach, den 18. Oktober 2024, eng flott Feier am Restaurant Steinmetz zu Bech organiséiert. No der ordinärer Generalversammlung, hu sech vill Anciens an aktiv Memberen vun der Iechternacher Grondschoul fir dës besonnesch Geleeënheet zesummefonnt, fir op déi vill flott Erënnerungen an Aktivitéiten zréckzekucken an zesumme feieren.

D’Amicale ass immens wichteg fir d’Zesummeliewen an der Schoul a spillt eng grouss Roll, wann et drëm geet, Spendenaktiounen ze organiséieren an de gudden Zweck ze ënnerstëtzen.

D’AMSE huet sech als feste Bestanddeel vun der Iechternacher Schoulwelt bewisen a kuckt optimistesch an d’Zukunft!