De leschte Samschdeg huet d'Schëfflenger Musek, passend zum schéine Wieder, säin Fréijoersconcert gespillt. Déi musikalesch Rees huet d'Sympathisanten vun der Musek an d'Welt vum Film a Fernseh gefouert. Esou stoungen ënnert Anerem d'Filmmusek vun der Disney-Pixar-Produktioun "The Incredibles" um Programm a vill weider Evergreens an Hits. De Sänger Dirk Brück huet a verschiddene Stecker säi gesanglescht Kennen ënner Beweis gestallt. Duerch den Owend huet d'Lynn Cruchten gefouert. An der Billergalerie erhaalt Dir Impressioune vun dësem Concert.