Squash Schengen am Asaaz fir Télévie 2025
45
Télévie Squash-Event mam Squash Schengen (SFSL) - E vollen Erfolleg!
E Samschdeg, den 08.03.2025, war am CK Sportcenter Kockelscheuer e speziellt Squash-Event zugonschte vum Télévie. Ronn 30 Participantinn’en a Participant’en sinn zesummekomm fir fir de gudden Zweck ze spillen an hunn dobäi vun der Expertise vun eisen éierenamtleche Traineren profitéiert, déi mat Leidenschaft d'Freed um Spill vermëttelt, d'Motivatioun gefërdert an d'Grondlage vum Squash un all Participant erkläert hunn.
E grousse Merci geet un den CK Sportcenter Kockelscheuer, deen d'Terrain’en gratis zur Verfügung gestallt huet an ouni des groussherzig Ënnerstëtzung dësen Event net méiglech gewiecht wier. Duerch dës Hëllef an d'Engagement vun all de Bedeelegten hu mir ronn 800 EUR kënne sammelen, déi integral un Télévie gespent ginn.
Besonnesch gefreet huet eis de Besuch vun der Madamm Diane Wunsch, déi eis mat hirer Präsenz geéiert huet an dem Event e besonnesche Kader verléint huet.
De Squash Schengen (SFSL) seet alle Participanten, Ënnerstëtzer an Hëllefer Merci fir dësen gelongenen Dag am Zeeche vun der Solidaritéit!
Weitere Neuigkeiten von Nancy Keiser >
