Den 1. Dezember 2024 huet d'Chorale Mixte Mertert säin Adventsconcert an der Parkierch zu Mäertert gesongen, ob der Uergel begleet vum Emile Hau, Maria Miteva (Flûte) , Jassen Geisel (Vibraphone) an dem Quintett Cäcilia Brass.

No dem Concert huet d'Chorale Mixte Mertert eng Quête fir d'SOS Kannerduerf Lëtzebuerg organiséiert. Esou konnten de Präsident Aly Leonardy an de Sekretär Jos Maller dem Cynthia Conzemius, Directrice Administration pédagogique, an dem Patricia Proes, Responsable Relations partenaires et donateurs, am Kader vun enger Visitt am SOS Kannerduerf zu Miersch och e Scheck vu 1.500 € iwwerreechen.

Mat dëser grousszügeger Spend ënnerstëtzt d'Chorale vu Mäertert dem SOS Kannerduerf seng Projeten déi si am Interessi vun de Kanner a Jonke weiderentwéckelen an si esou ob hirem Wee an e glécklecht an onofhängegt Liewe begleeden.