Vum 22. bis den 24. November mécht d'Maison de la Culture A Rousen“ zu Péiteng hir Dieren op fir eng ganz speziell Konschtausstellung, organiséiert vun den Hobbykënschtler Lëtzebuerg asbl an Zesummenaarbecht mam Syndicat d'Initiative an dem Tourismus vun der Gemeng Péiteng souwéi der Gemeng Péiteng selwer.

Dës Evenement bréngt 14 Kënschtler zesummen, déi hir Wierker dem Public presentéieren: 12 Moler, ee Kënschtler, dee Metallskilpturen resp. Recycling-Konscht mécht, an eng Kënschtlerin, déi Pabeierskulpturen hierstellt. Freides kënnen Interesséierter vun 17 bis 19 Auer d'Ausstellung besichen, wärend se samschdes a sonndes vu jeeweils 15 bis 18 Auer op ass. E spezielle Highlight ass de "Meet the Artist"-Event um Sonndeg, de 24. November, vu 16:30 Auer un, wou Visiteuren d'Méiglechkeet hunn, direkt mat de Kënschtler a Kontakt ze trieden an méi iwwer hir Aarbecht gewuer ze ginn.

D`Kënschtler sinn: Monique Bintz, Maggy Ferron-Kugener, Raymonde Holz-Brochmann, Jos Johanns, Elay Karakurt, Hsuan Chih Lee, Bruno Lopes, Eliane Lothritz, Aline Philippart, Fernand Putz, Pascalle Ryder, Guy Michel Scholtes, Marie Sierra, Sophie Wolff.

Dës Ausstellung bitt eng eenzegaarteg Geleeënheet, déi villfälteg Facette vun der moderner a traditioneller Konscht ze erliewen an déi kreativ Ausdrocksformen vun de Kënschtler ze schätzen.

Verpasst net d'Chance, iech inspiréieren ze loossen an nei Andréck ze sammelen. D'Konschtausstellung zu Péiteng versprécht, en Highlight am kulturelle Kalenner vun der Stad ze ginn.