Bäi Geleeënheet vun der dësjähriger Feier zu Eire vun der Patréinisch vun de Sänger der Hl. Cäecilia huet den Här Paschtouer Jeannot Gillen déi feierlich Mass fir all lieweg a verstuerwen Memberen zelebréiert, d'Uergel huet den Här Jacques Theis gespillt. No der Mass huet den Här Gillen dem Gesangveräin fir hier trei a wertvoll Déinster Merci gesot a vill Courage fir d'Zukunft gewënscht. Den Dirigent a Prësident Pol Muller huet séngersäits säin groussen Respekt virun jidfer eenzel Sängerin, Sänger an Organist ausgedréckt a Merci gesot well sie alleguer déi richtig Astellung matbréngen, virun allem Freed um Sangen. Duerno huet den Här Gillen folgend Mitglieder mat enger Medaille vum Piusverband ausgezeechent: Eng Goldmedaille fir 30 Déinstjaren fir d'Yolande Hamus-Hertoghs, eng Goldmedaille mat Palmetten fir 40 Jar Déinst am Gesank fir d'Marie-Claire Petry-Sauber (sie konnt d'Medaille awer krankheitshalber nët entgéint huelen) an eng Goldplakett fir 50 Déinstjaren fir de Gilbert Hamus an de Pol Muller.