De lëschte 30. September huet d’Madeleine Schaaf-Plier vu Bäertref säin 90. Gebuertsdag gefeiert. De Schäfferot vun der Gemeng Bäertref huet dës Geleeënheet genotzt fir dem Madeleine déi häerzlechst Gléckwënsch vun de Bierger vun der Gemeng Bäertref ze iwwerbréngen.

Gebuer 1934 zu Rodershausen (Rouderssen) als eent vun 9 Kanner gouf d’Madeleine den 29. September 1954, een Dag virun hirem 20. Gebuertsdag, mam Schaaf Lucien vu Bäertref, bestuet. No dem Dued vun hirem Mann Enn 1968 ass si dunn op Ettelbréck geplënnert, fir dann 1989 nees zeréck ob Bäertref ze kommen fir bäi hirem Meedchen Fernande bis haut am Haus “A Postpits” ze wunnen.

D’Madeleine ass Mamm vu 2 Meedercher, Groussmamm vun 4 Enkelen an Urgroussmamm vun 5 Urenkelen. Mir wënschen dem Madeleine nach weider eng gutt Gesondheet a vill Courage fir déi nächste Joeren.