Am Kader vum Guideforoneday war et mir dëse 27. August esou wéi schonn den 2. Juli eng grouss Freed de Visiteuren d'Geschicht vum Halifax Crash am Marscherwald méi no ze bréngen an hinnen den Crash-Site ze weisen. Op dir Platz war op Initiative vum Konschtbecher, dem Fred Schaaf, dem Fieschter, dem Propriétaire vum Bësch an menger Wéinegkeet eng Gedenktafel opgeriicht gi an esou ass no an no eng schéin ugeluechten Platz entstanen esou datt déi Jongen déi hirt Liewen fir ons Fräiheet gelooss hunn ni vergiess gin.