En Äppelbam fir di Neigebuere Kanner an der Gemeng Sëll
30
Picture Gallery
Please scroll down,
to see more pictures.
to see more pictures.
Sëll: Och den Dag vum Bam 2023 ass dest Joer an der klenger Gemeng Sëll am November gefeiert gin. Zesummen mat de Gemengevertrieder, dem Fieschter Thierry Hollerich mat sengem Team, dem Technischen Service an dene klenge Kanner mat hiren Elteren, ass an der Wiss „Am Gaart“ zu Sëll een Äppelbam geplanzt gin. Ugaangs huet de Buergermeeschter Gérard Zoller no senge Wëllkommensgréiss a Wierder vu Merci op de Sënn an Zweck vun deser naturverbonnener Planzaktioun, déi zesummen mat der lokaler Gaart an Heem Sektioun organiséiert gouf, higewissen, wou dese Bam dene klenge Sëller, déi am Laaf vum Joer 2022 – 2023 op d’Welt kommen sin, geduecht ass an si och bei deser Geleeënheet als nei Matbierger können ze begréissen. An dem Kontext ass och eng Plakette aus Holz mat den Nimm vun allen Neigebuerenen als Erënnerung bei de Bam gesaat gin. Als Ofschloss vun deser Planzaktioun huet d’Gemengeverwaltung Sëll op e Patt mat engem gudde Maufel an de Festsaal zu Sëll invitéiert, wou och all Elteren e Bong als Merci an Empfang konnten huelen, fir sech e Bam no hirer Wiel können unzeschaafen. (CR) (FOTo: Charles Reiser)
More news by Charles Reiser >
