De Joergang 1964 vun der Primärschoul Nouspelt koum zesummen a huet sech feierlech erëmgesinn. Getraff huet een sech fir d’éischt an der Kierch zu Nouspelt, wou de ganze Grupp vun hirem fréiere Schoulmeeschter, dem Här Ed Kandel, empfaang ginn ass.

E besonnesch emotionale Moment war d’Gedenkminutt um Kierfecht, mat där enger verstuerwener Matschülerin geduecht ginn ass. Uschléissend gouf eng Visitt vum Päerdshaff vun der Famill Girsch gemaach, déi ganz interessant Abléck gebueden huet. Do krut de Grupp dann och ee Patt vum Romain a senger Fra Myriam offréiert.

Zum Ofschloss vun dësem flotte Konveniat gouf an der „Maison Rouge“ zu Saeul en exzellent Owesiessen zerwéiert. Bei de sympathesche Gespréicher si vill Erënnerungen an al Geschichte gedeelt ginn – e gelongenen Ofschloss fir een Treffe voller Nostalgie a Communautéit.