Den 9. September war déi 5. Editioun vum TASTE on WHEELS (TOW). Heibäi handelt et sech em eng Randonnée Gourmande mam Vëlo, déi vum Lex a Laurent Reichling organiséiert gëtt a ganz am Zeechen vum gudden Zweck steet. Dest Joer hunn erem eng ronn 100 Vëlosfuerer matgemaach. Den Depart war wéi gewinnt nom Kaffi zu Miersch « Beim Mëchel » op der Maartplaz. No ronn 50 km huet zu Monnerech am Restaurant « Naga » eng Pasta mat Ëmgeréits op d'Sportler gewaart. Zeréck zu Miersch ass dunn dee läschte Gang zervéiert ginn. Déi zwee Restaurants gi vu Concept & Partners gefouert. Duerno si nach eng ganz Partie Trickot’e vu bekannte Cyclisten wéi Christine Majerus, Marie Schreiber, Jempy Drucker, Bob Jungels a Jakob Fuglsang an och vun enge sëllechen anere Sportler fir de gudden Zweck versteet ginn.

Wéi all déi Editioune virdrun, war den Erléis och des Kéier fir e gudden Zweck, an esou geet een Don vu 6.000 € un d’Associatioun « Cycling for Health » déi sech fir d’Lutte géint de Kriibs asetzt. D’Iwwerreechung vum Scheck war den 12. Oktober am « Hitch » um Lampertsbierg a Presenz vum Laurent a Lex Reichling, Serge Haag, Morandini Alberto an Diederich Christophe.