Miersch: Dat den Second Hand Maart an der Hal Irbicht zu Biereng, organiséiert vun den Aktiv Frae Miersch sech ëmmer méi zu enger méi beléiwter Organisatioun entwëckelt huet, beweist eendäitlich, dat mam Endresultat, den Erléis vun dräi an en halwen Dag, vollem Asaatz vun ronn 60 Benevolen sech op en neis gelount huet. Viru kuurzem war et dann esou wäit, wou d’Presidentin vun Aktiv Frae Miersch, Sylvie Hames- Nosbusch bei der Scheckiwerreeschung, sech mat hirem Comité ganz erfreet gewissen huet, fir gläich 16 Organisatiounen, di Gesamtzomm vun immerhin 59 000 Euro vum läschten Second Hand Maart am Oktober 2024 ze iwereechen. No hirem oprichtigemn Merci, un all denen di derzou bäigedroen hun, dat dest Evenement zu engem groussen Erfolleg konnt gin, koum un dunn zur eigentlichen Scheckiwerreechung u folgend Associatiounen. ANNKA Projet (6000 Euro), Fondation Autisme (6000 €), UP Foundation Lux (6 000 €), ALAN- maladies rares (6 000 €), Groupe Sportifs Oncologiques (6 000 €), Multiples Sclérose (5 000 €), Schrëtt fir Schrëtt (5 000 €), Centre de nutrition am Sénégal ( 5000 €), Clowns 4 u (3 000€), OTM Haiti (3000 €), Jesuit Refugee Service (3000 €), Den-i-asbl Syndrom de Marfan (1 500€), Jugend vun der Spillerequipe vu 5x Biereng (500€), Oeuvres paroissiales vu Miersch (1 500 €), Guiden a Scouten vu Miersch (1 000€) an Eng nei Schaff (500€) . Nodeems dat all Scheckempfänger verbonnen mat engem grousse Merci sech virgestallt huet, huet dess bedäitend Scheckiwereechung mam Schlusswuert vum Gemenge- Schëffen Michel Reiland, beim Patt, säin würdigen Ofschloss fond. De nächsten Second Hand Maart zu Biereng ass vum 5. bis zum 8. Mäerz 2025 virgesin. (CR) (Foto: Charles Reiser)