Gëschter hate mir bei äis zu Jonglënster eis traditionell Bamplanzaktioun fir déi Neigebueren 2014 aus eiser Gemeng. D'lescht Joer sinn 79 Kanner bei äis gebuer ginn. Et war e flotte Moie bei guddem Wieder, an op d'Invitatioun vu Gemeng an Ëmweltkommissioun ware mir zu ronn 90 (Elteren, Grousselteren, Kanner, ...) fir an eisem Bongert um 'Duelebierg' 12 Äppel- a Quetschebeem ze planzen. Op dëser Plaz si mir elo schonn zënter 2011 an elo sti 60 Uebstbeem hei. E flotte Bongert op enger flotter Plaz. Hei kënnen dann d’Kanner spéiderhin hiert eegent Uebst plécke kommen.