Viru Kuerzem hat d’Lokalsektioun vum Roude Kräiz aus der Gemeng Dippech op hir Generalversammlung invitéiert.

De President vun der Lokalsektioun, Fernand Bley, huet d’Gäscht begréisst an alle Benevolen ee grousse Merci fir hiert Engagement gesot. An der aktueller schwiereger Zäit liewen ëmmer méi Mënschen an der Prekaritéit an et ass ëmsou méi wichteg hinnen ze hëllefen.

Nom Aktivitéitsbericht vun der Sekretärin Claudine Gilles an dem Keessebericht vum Simone Schleimer, huet d’Marianne Bley d’Resultat vum Mois du Don vun 2024 presentéiert. D’Lokalsektioun aus der Gemeng Dippech hat ee ganz gutt Resultat vun 7.460 € erreecht, dëst duerch d’Verdeelen vu personaliséierte Flyeren un all Stot.

Dank dem ganz erfollegräichen Hierschtfest, konnt d’Lokalsektioun och dëst Joer nees am Kader vun der Generalversammlung een Don vun 4.000 € fir d’Epiceries sociales spenden.

Nieft der Konferenz iwwert den Hiereschlag an dem Mois du Don, huet d’Rout Kräiz Sektioun Dippech den 19. Oktober nees hiert traditionnelt Hierschtfest geplangt.

Zum Ofschloss ass d’Madame Catherine Gapenne als Vertrieder vun der Direktioun vum Roude Kräiz kuerz op de Mois du Don agaang an den Här François Authelet huet d’Fonctionnement vun den Epiceries sociales virgestallt. Och d’Madamm Buergermeeschter an Éierepresidentin Manon Bei-Roller huet der ganz aktiver Sektioun Merci gesot fir hiert Engagement.